Feb 23, 2008

محاولة للبحث عن وجه


بصعوبة أتذكر صوتها , ولكن وجهها أبدا لا يفارقني , كنت صبي في الفرقة الثالثة بالمرحلة الإعدادية بالمدرسة الفيصلية في العام 98/97, وكانت في نفس الصف بمدرسة فضل الحديثة , كنت أمينا لاتحاد طلبة مدرستي , وكانت أمينة مساعدة فى مدرستها , قابلتها في لقاء نظمته الادراة التعليمية للتعارف بين اتحادات المدارس المختلفة , أتذكر وجهها , وكلمات بسيطة تبادلناها , دقائق معدودة مرت سريعا , وفي اليوم التالي , ذهبنا جميعا لإجراء الانتخابات في قصر ثقافة بمدينة 6 أكتوبر , كانت تجلس في الأوتوبيس المجاور ..واختفت ..فقط اختفت
اختفت للأبد ...ومنذ هذه اللحظة أصبحت هبة الله محمد عبد المنعم – أو احمد عبد المنعم – فتاة أحلامي , لا اعرف عنها شيء , فقط وجهها , ظل يطاردني كلما فشلت علاقة أو انتهت , لا تقول شيء , فقط تبتسم في حنو .
أسألكم , هل صادف أحدكم الحظ وقابلها ؟
هل يعرف أحدكم أي معلومات عن صاحبة هذا الاسم ؟
ليست هذه حملة للبحث عن حب ضائع أو مفقود , فعلاقتي بها – إن صح تسميتها بعلاقة – استمرت لثلاث دقائق تبادلنا فيها الأسماء , فقط هي محاولة للبحث عن وجه , ظهر في الذاكرة ثم مضي , فقط هي محاولة .

7 comments:

Reham Ragab said...

يانهارك أسود! بتدور على واحدة من تالتة اعدادي؟ الله يخربيتك وبيت سنينك! وأنا كنت بحب واحد وأنا ف خمسة ابتدائي، كنت بغني في كورال المدرسة وهو كان عازف الأوكورديون. كنا بنغني في عيد الأم و6 أكتوبر، ومن ساعة ما ساب المدرسة مشفتوش ولا أعرف عنه حاجة غير انه كان واد مز ابن جزمة، أنا كدة من يومي بجيب من الاخر. بس خامسة ابتدائي ياحرام مكانش الواحد كون ملكات ولا إمكانيات ولا قدرات يقدر يجر بيها رجل واد عاجبه. لكن انت كنت شحط ف تالتة اعدادي وتعرفها وتبادتوا الأسماء، التليفونات على طول مفيش وقت. لا أعرفها ولو عرفتها لن أخبرك. من لا يسعى لشيء لا يستحقه!. أمين اتحاد الطلبة؟؟ عقبال ماشوفك رئيس الجمهورية

اميرة هشام said...

ياااااااه فكرتوني بالذي مضي

انا في تانية حضانة حبيت ولد اسمه مينا
وكنا اصحاب اوي وعشان ميحسش بحبي -لاني كنت وقتها شايفة الحب ضعف-

كنت كل يوم بضربه وبقطعله شنطة المدرسة كل شوية

وفضلنا اصحاب ومشيت من المدرسة خلاص

ومرت الايام وراحت وجت وفي سنة اولي جامعة لقيت معانا واحد في الدفعة يشبهله وعرفت بعد كدة ان اسمه مينا

وطول الاربع سنين خفت اكلمه او اقوله حاجة ...عشان خفت يطلع هو زميلي اللي كان معايا في تانية حضانة

أحمد الدريني said...

فلا تبك حبا جنينا عليه..سقيناه هجرا طويلا فمل
كده انا كمان ممكن أدور علي أمل وهند وسهام

فتحي الشيخ said...

فيه ناس شافوها بتجيب فينو من بشبش وناس قالوا عارفنها بتصلي معهم في الجامع وربنا هدهه ولبست نقاب وناس تانية قالو دي كل يوم سهران في ديسكو فندق الليدو
انها متاهة بس اقولك هتشوفه ... بس في الحلم

Anonymous said...

انا اعرفها
تدفع كام واقولك

أحمد حربية said...

مش مهم خالص انك تلاقيها او لأ المهم انك اما تلاقيها هاتعمل ايه؟
و تسألها ليه كانت بتبتسم بحنوّ بعد فشل كل علاقة

ســـــامح هــــــاشم said...

صدقونى ياجماعة
فضل الحديثة دى مابيجيش منها أى خير خااااااااالص

وبالذات من ناحية البنات

أنا كنت مرمى فيها 6 سنين

فين أيااااامك يا أميرة يابنت حفنى!!

المشاوير

كنت الخامس بين إخوتي. ولكن نداهة المشاوير خاطبتني مبكرًا، لأني ذكر صغير. وأخي ذكر كبير. وبيننا فتاتان لا يصح أن يخرجا إلا للشديد القوي، م...