Skip to main content

Posts

Showing posts from April, 2005

ليه توك توك هنا ؟؟؟؟؟؟؟؟

هنحكي ونتحاكي عن بلاااااااااااااااااد ان احب اسميها بلاد التوك توكاصل فكرة التوك توك دي انا شايفها بتلخص حكايه سبع تلااااااااااف سنه (هما بيقولو حضارة وانا بقول ذل)ايوة طبعا هتسأل ايه ياعم دخل التوك توك بالتااريخ والفلسفهاقولك انا احنا شعب بيتكيف .....لا......لا مش قصدي حشيش ..........انت غبي وشكلك هتتعبني انا قصدي بيحاول يوصل لطريقه تخليه يتعامل مع المستجدات اللي حواليه يعني مش بيحاول يعترض علي اي حاجه لانه بذكاء رهيب بيتعامل مع الموضوع بدون ما يتضر-من وجهة نظره- والكلام ده كان من ايام الفراعنه-التوك توكييين الكبار يعني - والغريب ان الناس مبتشتكيش فمهما حصل مبنشتكيش ومبنحكيش لحد مالموضوع اتطور وبقت كل ما تحصل حاجه المفروض اننا نعترض عليها يقوم الشعب مكيف نفسه ومكبر دماغه !!!مش فاهم برضه طب ياعم خذ عندك مثال مثلا احنا شعب فقير بس عايشين-مع تحفظي علي كلمه عايشين دي- في عصر السموات المفتوحه والفضائيات وروبي ونانسي ودلعني يامعلم طب الناس الفقرا يعملو ايه؟؟اتكيفو علي طول وعملو حاجه بسيطه اسمها الشبكه الصغنونه وهي شبكه بيعملها واحد في كل منطقه وبيلم اشتراكات رمزيه من المشتركين وكلو يتدلع و…