من حوالي خمس شهور
اصيبت حروفي التدوينيه بعسر إخراج
وكان ذلك بالتزامن مع خناقه إبليس ورامي
وجتني حاله قرف من التدوين
والمدونين تمل
ياعم دي عالم بتوع كلام وناس معقده مفسيا جايه تطلع عقدها علي بعض
ونفضت للموضوع
واتشغلت بالمسرحيه(حاكم انا ممثل جامد)والكليه الزفت
وعدت الايام
وجت الهوجه بتاعة الأساءة للرسول
وقطيع الغنم اللي قام يدافع ويلعن ابو الدنمارك واليهود (مش عارف ليه اليهود بيتشتمو علي طول )ولقيت نفسي عايز اكتب
بس قلت ياواد بلاش بضان
وفي نفس الوقت لقيت الجرايد نازله كتابه عن حاله الانتماء التي حدثت فجاءة وقال ايه مرة واحده شعبنا مرة واحدة بقي يحب مصر
ولقيت نفسي عايز اكتب عن هبه صاحبتي في الكليه وهي تحكي لي عم التذكرة ام 150جنيه اللي اشترتها وان اخوها كان عايز ياخدها منها بميتين جنيه(كله عشان المزز) بس رفضت
ليه ياهبه ؟ قالتلي ياعم حد لاقي زيطه وميزيطش
ده الشباب هناك حاجه تفرح
المهم
والخلاصه
اني رجعت للبضان.................عفوا للتدوين
2 comments:
أهلا بك فى عالمنا من جديد ..شرفتنا أيها لمواطن رجب..
شكرا يا زرياب
والشرف ليا يا جميل
Post a Comment